متابعة الطقس لشهر نوفمبر [ الجزيرة العربية ] 2011 م

[السديم]

اقتباس المشاركة الأصلية بواسطة : ولد حريملاء مسائيه مباركه هههههه هالاسهم فضاوه وانا قاعد الظهرية وش اسوي ما اعرف في الفتو شوب ما اعرف الا اشرب كوفي شوب بس هههههه دائما يا غالي في هذه الفترة التوقعات لاتنضج بامر الله سبحانه الا في حال ضخ من القرن الافريقي جميل الازوري يحول بين الشمال والجنوب وفي حاله مشابهه لهذه الحاله وفي نفس التوقيت بامر الله لكن المنخفض مرتكز وسط مصر بإذن الله مثل ماقلت الشتاء يحمل معه الخير افضل ولا انسى مشتي ولابس ورايح الصبح مع النخل للمدرسة ثم تزلق في الساقي وترجع تغير والا تصير نعالك الزبيريه كنها كنادر من الطين هههههههه السديم لاقطين الفقع في الجبل من كثر الخير في هالسنه واخي ابو عبد العزيز الابرق يلقطه ماصدقو ربعه في الرياض الين اخذهم معاه يشوفون لكن 82 اجمل واجمل منها لكن انا ودي يالسديم بسنه 1972 او 1973 يوم طاح الثلج على الرياض اجيب لك صورتها الحين اشكرك يا غالي المتابعة معك ياخي تسعد والله كل ماشفت اسمك افرح ساحرني ياولد هههههه

حياك الله يا أبو بدر ..

ههههه كنك تشوف ذيك الأيام في ثاني متوسط ندور الدريشة اللي تفتح غرب وينهي فيه !!

خصوصا الحصة الرابعة وقت المناشي ولا أنسى ذكريات التونة بعد الاختبارات وقت المطر

لها طعم عجيب ولكن تحت الأثل !!

أيام مرت كالأحلام والله يعيدها والجميع في ثوب الأمن والعافية ..

وأنا أشرف بالمتابعة معك ومع الأفذاذ من المبدعين هنا !! ( وننتظر تقرير ثلوج الرياض ) !