المراجعة الشاملة والمقارنة الكاملة بين منصتي xbox one و Playstation 4

[عبدالله]

المراجعة الشاملة والمقارنة الكاملة بين منصتي xbox one و Playstation 4




السلام عليكم


من ساعة ما سمعنا بصدور كلا من الا**بو** one و ال PS4 واحنا بنسمع كلام كتير وعايزين نعرف ايه الفروق الاساسية بينهم و الي هنبني عليها اختيارنا

1 - المواصفات الهاردويرية

الجهازين بيتمتعوا بمعالج amd ثماني النواة بمعمارية X86 علي تردد 1.6 جيجاهرتز تقريبا. وبرامات 8 جيجا .وبهارد داخلي 500 جيجا . و غير باقي المميزات المشتركة زي الواي فاي والايثرنيت .


لكن .. الرامات نوعها في البلايستايشن 4 احسن من نظيرها من الا**بو**.لأن الرامات في البلايستايشن 4 من نوع DDR5 .والي في ا**بو** من نوع DDR3 . وده يخليها احسن بمقدار الضعف تقريبا


وكمان اهم شئ.معالج الرسوميات ..الاتنين بيحتووا علي معالج رسوميات AMD . بيعمل بمعمارية اسمها GRAPHICS CORE NEXT او اختصارا GCN .ودي باكورة انتاج AMD في مجال كروت الشاشة و ليها مميزات خطيرة


الي يهمنا هنا ان المعمارية دي مقياسها هو عدد الاقسام القائمة بحساب المهمات اللازم اداؤها .والي بيطلق عليها Computing units .كل ما تزيد الوحدات دي كل ما ده يعني قدرة اكبر لكارت الشاشة علي المعالجة .ووحدة القياس هنا هي ال teraflop ودي = 10 مرفوعة لأُس 12 عملية حسابية!!!يعني كده : 1000000000000 عملية في الثانية!


الشريحة في ps4 فيها 18 cu .وبتنتج 1.8 تيرافلوب ..بينما اختها في ا**بو** لديها فقط 12 cu تنتج 1.23تيرافلوب
كمان في بلايستايشن 4 كلا من شريحة الرسوميات ( ال gpu ) و المعالج ( ال cpu ) الاتنين بيسلمو العمليات الرسومية باقل زمن ممكن لتطابق المعماريتين اكثر عن مثيلتها في الا**بو**.يعني اداء اسرع وملحوظ.و الرامات من نوع ddr5 مُعدلة اصلا لاستيعاب تردد اكبر من ال ddr3 .كل ده بيصب في بوتقة واحدة : اداء اسرع و اقوي و اكثر عمرا للالعاب القادمة


يعني نظريا ، قدرت سوني تدي البلايستايشن 4 قوة هاردويرية اكبر بمقجار 50 %! .يعني اداء احسن ( زي مؤثرات الرعد و الضوء و المطر والطين والدم في الالعاب ) ويعني عمر اكبر للكونسول قبل ما احس ان الالعاب عليه قدمت .وبكده نعلن تفوق سوني في الهاردوير علي مايكروسوفت.





2 - متحكمات الحركة الطرفية عن بعد



الاتنين بيحتوو علي مُتحكم تفاعلي للالعاب.بس مع ا**بو** هذا المتحكم يأتي ضمنيا في الجهاز وهو المتحكم الشهير KINECT الي بيخليك تلعب اللعبة بجسمك كله.بينما في البلايستايشن 4 في ال Move controller وده بيأتي فُرادي منفصل عن الجهاز.
بس كيانكت مخيف بصراحة.اولا الجهاز هيقدر يتتبع حركة 6 اشخاص مرة واحدة.وحجمه هيكون اقل من مثيله القديم .و الماسح الثلاثي الابعاد فيه يقدر يتعرف علي الحركات بذكاء اكبر.كما يمكنه تعرف وتمييز الوجوه والاصوات .ويُقال ان مستقبل الاشعة تحت الحمراء فيه هتلتقط التغييرات في ضغط الدم و معدل نبض القلب.يعني الجهاز هيعرف امتي تكون غضبان اثناء اللعب او خايف وبتلعب لعبة رعب وكده.يعني محاكاة واقعية اكتر .
كمان الكاميرا في ا**بو** هتكون بدقة 1080p .يعني الفيديو شات هيكون امتع.
بعيدا عن اصلا متحكم الحركة عن بعد هيكون سعره منفصل في بلايستايشن 4 ، فإن Playstation eye ( نظير كاينكت ) هتعمل بردو مع متحكم الالعاب الرئيسي ( الدراع ) لتتبع حركة اللاعب في الفراغ.وسوني مزودتش كلام عن كده .
لكن بصفة عامة نقدر نقول ان مايكروسوفت تكتسح سوني في مجال متحكمات الحركة الطرفية عن بعد .وكاينكت ي**ب.



3 - المتحكمات الرئيسية ( الدراعات )



سوني فاجأتنا كلنا بالدوال شوك 4 .بتصميمه الجديد و ارفاقه بشاشة لمس ، كمان في سبيكر صغير عشان يبقي الصوت اقرب للاعب مما يعطيه دخول في موود اللعبة اكبر.و زِر share الجديد هيجعلك تسجل لقطات من العابك و ترفعها علي النت و تغيظ بيها منافسيك لو عايز :D
بالنسبة للا**بو**.فتصميم الذراع الجديد جعله مناسب اكثر لالعاب الفيرست بيرسون شووتر ( زي باتلفيلد كده ) .وكمان الانالوج بقي حساس اكثر لحركة المستخدم .
بس الي يغيظك انهم بيقولو ( هنعمل rumble packs ) اكثر تفاعلية.الرامبل با** دي الي هي البتاعة الي بتخلي الدراع يعمل فايبريشن!!تفعالية ايه و بتاع ايه ؟ هي دي ميزة تستحق تُدرج في مميزات الذراع الاساسية ؟
اعتقد ان سوني كانت اكثر تطويرا في ذراعها و اضافات مميزات اكثر بالذات حوار السبيكر ده.سوني هنا ت**ب .


4 - الخدمات السحابية




الخدمات السحابية cloud storage/ services المقصود بيها الخدمات الي بتتم عن طريق سيرفرات متصلة بالاجهزة وبعيدا عن الجهاز نفسه.
زي التخزين السحابي في yahoo والمساحة المتاحة لايميلك و هكذا.


بالنسبة لا**بو**.مفيش اخبار غير ان السلسلة الاشهر للسيارات forza والمصممة خصيصا لا**بو** ، ستتضمن حاجة جديدة اسمها drivatar
الدرايفاتار ده عبارة عن ذكاء اصطناعي بيتعلم طريقة قيادتك و لعبك وبعدين يلعب بالنيابة عنك في المنافسات الاونلاين.بس لسه محدش أكد صحة ونهائية الكلام ده
الي تم تأكيده بقي ، هو تويتة من phil spencer احد نواب رؤساء شركة مايكروسوفت.وده كان من يومين بس.قال فيها ان هيتم استغلال الخدمات السحابية في جعل العمليات الحسابية الخاصة بالالعاب اسرع بمقدر 10 الضعف!


يعني هيتم استغلال الخدمات السحابية في اعطاء جهازك مواصفات هاردويرية اكبر!خيال صح ؟ هنشوف عموما هترسي علي ايه.
بالنسبة لبلايستايشن 4 .ف الناس عملت الواجب وزيادة.تقدر تحمل اي لعبة من علي الستور للبلايستايشن ومتستناش اما تحمل عشان تلعبها ، لأ تقدر تلعب بمجرد ما جزء من اللعبة تم تحميله!والعب بقي وعيش لحد ما باقي اللعبة تحمل.وده في نظري حاجة رائعة


الشئ المشترك بين الشركتين انك تقدر تدخل تعلب مكان صاحبك!يعني انت مثلا بتلعب تومب رايدر ومنتاش عارف تعدي المرحلة.ممكن واحد صاحبك حريف يدخل عليك اونلاين وانت ف بيتك كده و يلعب مكانك و انت تتفرج!الاتنين بيقولو ان الخدمة دي هتكون متوافرة و مايكروسوفت بتقول ان الموضوع ده هيتوفر عن طريق skype .
لحد الان موضوع السحابية ده ملوش اخر مع الشركتين.فصعب الحكم.
نقدر نحسبها تعادل


5 - الشاشات الثانوية



مع الجهازين المفروض انك تقدر تحول موبايلك او التابلت لشاشة ثانوية مساعدة.يعني يبقي فونك مثلا خريطة للعبة.
لكن سوني تتفوق بمزية sony's remote play .عن طريق المزية دي تقدر تلعب لعب بجد الالعاب ، بس علي ps vita . طول ما في كونكشن واي فاي مُتاح .ويستثني من ذلك الالعاب الي بتعتمد علي خاصية ps eye .
فكونك تلعب الالعاب عن بعد باستخدام الفيتا ده شئ رائع .
سوني ت**ب.


6 - الالعاب الحصرية والمتاحة


في بداية اطلاق كلا الجهازين ، في العاب هتبقي متاح فور صدورهم علي الاتنين و هي :
العملاقة assasin's creed 4 ، الجزء الاخير من ملحمة call of duty : ghosts ، اللعبة الخطيرة المرتقبة watch dogs ، لعبة كرة القدم الامريكية madden 14 .و اخيرا اللعبة الممتعة lego marvel super heroes


بالنسبة للالعاب الحصرية، بلايستايشن 4 هيقدم رائعة الفرست بيرسون شووتر ( والي تمنيتها بشدة علي الحاسوب ) وهي killzone : shadow fall ، و KNACK


الا**بو** هيوفر حصريا الالعاب الاتية :
forza 5 ، ryse : son of rome ، dead rising 3 ، killer instinct




7 - الوسائط المتعددة



كلا المنصتين هيحتووا خدمة video on demand ، بس كيفيتها لسه مش واضحة ، يقال انك تقدر توصل قنوات الكابل خاصتك عن طريق الا**بو** و تتحكم فيها خلاله عن طريق xbone voice و الدراعات.و هتكون الانتقالية بين الالعاب و الفيديوهات المحملة و التلفاز امر في غاية السلاسة و اليسر .
طبعا الاتنين بيدعمو تقنية ال 4k الجديدة ودي اهم حاجة.دقة الوضوح حتفرقع مخ الجيمر.بس الي يقدر يشتري تلفاز بالدقة دي اصلا ! :D



8 - توافقية الالعاب السابقة ، والالعاب المستخدمة والتوصيل علي الانترنت

هنا تأتي القنابل بقي :D


اولا الاتنين بيقولو ان الاجهزة الجديدة مش هتدعم الالعاب الصادرة علي الكونسولات السابقة .يعني متقدرش تشغل لعبة بلايستياشن ثري علي الفور.او ا**بو** 360 علي الا**بو** وان.


لكن ، المحتمل ان الاتنين هيحطو اصدارات للالعاب القديمة دي معدلة للاجهزة الجديدة وتقدر تحملها داونلوود
يا خسارة كل السيديهات الي اشتريناها بقالنا 5 سنين :D
بالنسبة للالعاب المستعملة . كانت ماكيروسوفت قالت ان لأ مفيش حاجة اسمها العاب مستعملة.الالعاب تتلعب باسم مستخدمها فقط . بعدين رجعت و قالت انها هتضع بعد القيود علي هذا الامر .سواء بتحديد عدد مرات استخدام اللعبة كلعبة مستعملة او المحاسبة الاضافية علي اعادة بيع اللعبة
جت بقي سوني وفجرت القنبلة المميتة الرهيبة الفجيعة :D
ان هي هتسمح بلعب الالعاب المستعملة دون اي قيود او شروط! :n12:


يعني اشتري اللعبة ، وبيعها زي منتا عايز .والي اشتراها يبيعها او يبدلها زي ما هو عايز.وقالت في مؤتمر e3 ان هي مش هتحكر علي حد يتحكم ف حاجته الي اشتراها بفلوسه . المؤتمر يومها ات**ر هتافات و تصفيق :D
كمان مايكروسوفت قالت ان الا**بو** لازمله توصيل بالنت ولو مرة في اليوم عشان تعمل registration للالعاب ولو معملتش كده اللعبة تتوقف.
جت بردو سوني في e3 وقالت انك تقدر تلعب اي لعبة اوفلاين بمزاجك! والمسرح اتدغدغ تصفيق و هتافات .وانا والله لو كنت هناك كنت طلعت و
حضنت الراجل ده و طلعت اجري :D
شوفو اللقطة دي xD






هنا تتفوق تتفوق تتفوق سوني بكل المراحل


9 - السعر :


بكل اختصار : ا**بو** وان = 500 دولار
بلايستايشن 4 = 400 دولار !
والا**بو** وان هيصدر قبل البلايستايشن 4 .والاتنين اخر السنة دي
مش هقول تواريخ لانها بتتغير كل شوية.



الخلاصة

سوني لعبتها صح.حطت عتاد اقوي . و قدمت خدمات افضل للاعبين.وريحتهم و حسستهم بقيمة ما يدفعونه و وريتهم انهم بيحصلو علي حاجات افضل بسعر اقل.واعتقد لو ملحقتش مايكروسوفت نفسها في الخدمات ما بعد البيع ، هتخسر المعركةباكتساح لسوني .لأن مايكروسوفت خلاص اعلنت مواصفات الجهاز الهاردويرية و معدش قدامها حل غير انها تحسن في الي بيدها تحسنه و هي خدمات ما بعد البيع و البيع نفسه .

المصادر لبعض ما قلته في المراجعة
youtube.com
http://tay.kotaku.com/everything-you...u-re-509249274
http://www.playstationlifestyle.net/...too-says-sony/
http://www.craveonline.com/gaming/ar...ore-with-cloud
http://www.guardian.co.uk/technology...-4-at-a-glance
http://www.decerto.net/v4/index.php?...e-packs.62172/
http://www.thesun.co.uk/sol/homepage...aming-war.html

واخيرا ، قراءاتي انا الشخصية المتنوعة علي الانترنت

الصور المرفقة

• 1.jpg‏ (85.2 كيلوبايت)
• 2.png‏ (42.4 كيلوبايت)
• 3.jpg‏ (18.3 كيلوبايت)
• Next-Gen-Controllers-640x353.png‏ (144.1 كيلوبايت)
• cloud.jpg‏ (53.7 كيلوبايت)

المصدر...

hglvh[um hgahlgm ,hglrhvkm hg;hlgm fdk lkwjd xbox one , Playstation 4